Tristan Oosthuizen

Dit is vir my n besonderse voorreg om te kan sê ek is deel van Helpmekaar kollege
Ek dink nie daar is nog ‘n skool met soveel gees, ambisie en trots nie.

Ek sien uit na 2017, want ek weet dat saam met my mede-Helpies en saam met God, sal enigiets moontlik wees.

Dit is my absolute wens dat ons in die komende jaar as skool sal groei en voortbou op uitmuntende prestasies en tradisies, asook dat elkeen van ons daarna sal streef om nie net ‘n beter mens te word nie, maar ook om te groei as ‘n Helpmekaar-leerder, sodat ander dit sal kan raaksien.
Daars net te swyg en aan te stryk, KOMAAN! KOMAAN!
Kom ons maak 2017 ‘n besonderse jaar in Helpmekaar en ‘n jaar om te onthou!

Taylor Underhay

Dit wat ek en jy vandag is en die dinge wat ons al bereik het in ons lewe, is absoluut seëninge en genade van ons liewe Heer.

My boodskap aan Helpmekaar is dat elke onderwyser en leerder elke uitdaging en besluit met goeie oordeelsvermoë sal hanteer. Wees dapper en tree met integriteit op. Pak jou take met passie en energie aan, om sodoende 'n positiewe verskil te maak....wees vriendelik en toon respek, want elke Helpie is belangrik en geliefd.

By Helpmekaar word dinge deeglik gedoen en dit verg baie denke en beplanning in die fynste detail. Die meeste Helpies en hul ouers het hoë verwagtinge. Die kultuur van dié skool is betrokkenheid en ondersteuining, sodat elke Helpie sy of haar potensiaal kan ontgin. Die prosesse en standaarde is "tried and tested" en dis wonderlik om deel te wees van hierdie sukses-storie.

Of dit jou eerste of laaste jaar is in Helpmekaar: moet nooit ophou droom oor wat jy wil bereik nie. Wees 'n dromer.... droom groot!

Geniet elke oomblik van 2017 as n Helpie, neem deel en maak kosbare herinneringe.

"Hey flower, let yourself BLOOM"