Matriekuitslae 2019

Die 2019-akademiese jaar het op ‘n hoogtepunt afgesluit met uitstekende matriekuitslae. Dit is met dankbaarheid, nederigheid in ons harte en ‘n gevoel van opwinding wat ons uitsien na 2020 se akademiese jaar. Natuurlik is ons deeglik bewus van nuwe uitdagings en die gevaar daarvan om ná ‘n suksesvolle jaar oorgerus te wees, maar met Helpmekaar se geskiedenis van 99 jaar agter die blad wee tons da tons indie 100e bestaansjaar kan voortbou op die suksesresep van puik kinders, ondersteunende ouers en toegewyde onderwysers.

Hoewel die IEB-eksamen soos elke jaar hoë uitdagings aan ons leerders gestel het, het ons Helpies weereens getoon dat hulle op uitdagings floreer en daarom was ons weereens een van die topskole in die land. Vyf van ons leerders – Jana Botes, Amica Swanepoel, Mignon Drotschie, Gustav Klingbiel en Henri Staal is aangewys as deel van die toppresteerders in die IEB. Baie geluk aan hulle!

202 leerlinge het die IEB-eksamen in 2019 onder Helpmekaar se vaandel afgelê en ‘n 100% slaagsyfer is behaal. 196 van ons kinders kwalifiseer om vir ‘n graadkursus in te skryf, terwyl 6 vir ‘n diploma-kursus by ‘n tersiêre instelling kan inskryf

Ons is verheug om te kan sê dat dit deurgaans in al die vakke baie goed gegaan het met ons kinders. Die algehele gemiddeld van al ons kinders in al hulle vakke is 73%.

Helpies se prestasies in ‘n neutedop:
• ‘n Kwart van ons kinders het ‘n A-gemiddeld behaal, terwyl ‘n verdere 43% van die groep se gemiddeld ‘n B-simbool was.
• Twee leerlinge het elk elf A-simbole ingepalm:
o Jana Botes: Afrikaans, English HL, Frans, LO, Lewenswetenskappe, Wiskunde, Fisiese Wetenskappe, Visuele Kuns, Gevorderde Program Afrikaans, Advanced Program English en Gevorderde Program Wiskunde.
o Mignon Drotschie: Afrikaans, Rekeningkunde, Ekonomie, English HL, Frans, Geskiedenis, LO, Wiskunde, Gevorderde Program Afrikaans, Advanced Program English en Gevorderde Program Wiskunde.
• Vyf van ons Helpies het nege onderskeidings behaal:
o Frik Coetzer: Afrikaans, IGO, English HL, Duits, IT, LO, Wiskunde, Fisiese Wetenskappe en Gevorderde Program Wiskunde.
o Alida de Bruyn: Afrikaans, Dramatiese Kunste, Ekonomie, English HL, Frans, LO, Wiskunde, Fisiese Wetenskappe en Advanced Program English.
o Gustav Klingbiel: Rekeningkunde, Afrikaans, Ekonomie, English HL, LO, Wiskunde, Fisiese Wetenskappe, Musiek en Gevorderde Program Wiskunde.
o Henri Staal: Afrikaans, Rekeningkunde, Ekonomie, English HL, LO, Wiskunde, Fisiese Wetenskappe, Spaans en Gevorderde Program Wiskunde.
o Amica Swanepoel : Afrikaans, English HL, Frans, Geskiedenis, LO, Wiskundige Geletterdheid, Musiek, Gevorderde Program Afrikaans en Advanced Program English.
• Vyf van 2019 se matriek spog met agt onderskeidings elk:
o Justin Bezuidenhout: Rekeningkunde, Afrikaans, Besigheidstudies, English FAL, LO, Wiskunde, Fisiese Wetenskappe en Gevorderde Program Wiskunde.
o Ruan Mackridge: Afrikaans, English FAL, Frans, IT, LO, Lewenswetenskappe, Wiskunde en Fisiese Wetenskappe.
o Marié Mouton: Rekeningkunde, Afrikaans, Dramatiese Kunste, Ekonomie, English HL, LO, Wiskunde en Fisiese Wetenskappe.
o Joshua Stockigt: Afrikaans, English FAL, Geografie, LO, Lewenswetenskappe, Wiskunde, Fisiese Wetenskappe en Gevorderde Program Wiskunde.
o Sean Whitehead: Rekeningkunde, Afrikaans, English FAL, LO, Lewenswetenskappe, Wiskunde, Fisiese Wetenskappe en Gevorderde Program Wiskunde.

• Tien van ons Helpies kan spog met 7 onderskeidings elk (Saskia Bowman, Danielle Brink, Chanelle Gerber, Sune Kritzinger, Daniël Swart, Anri van der Merwe, Liezl Venter, Elizabeth Viljoen, Pascale Viviers en Leon von Moltke)
• Dertien leerlinge het elk 6 A’s behaal en dan is daar ‘n hele klomp wat elk 5, 4, 3, 2 en 1 A-simbole behaal het.

By Helpmekaar vier ons egter nie net onderskeidings nie, maar ons is uitbundig bly saam met elkeen van ons kinders wat puik presteer het. Hierdie puik prestasie is te dankie aan:
• besondere kinders wat akademiese prestasie as “cool” beskou,
• ‘n puik en toegewyde span onderwysers wat vanaf graad 8 seker maak dat assessering daarop fokus om die nodige Hoër Orde-Denkvaardighede aan te leer,
• klein klasse (20 of minder per klas) en
• laaste, maar nie die minste nie, ondersteuning vanuit die ouerhuis wat seker maak ons kinders word gedra en aangemoedig om met net die beste tevrede te wees.

Dit is dus met trotse en dankbare harte dat ons saam met elkeen van ons Helpies hulle puik uitslae vier. Dit is die resultaat van harde werk, vasbyt en deurdruk wat verseker da tons Helpies op Akademise, maar ook alle ander gebiede floreer.

Die Helpmekaarfamilie is trots, dankbaar en ons tel ons seëninge saam met elkeen van ons kinders!
Knap gedaan, Matreiks van 2019! Maak nou daardie toekoms waarvan jy droom, jou realiteit!

Komaan!
Estie Meyer
Adjunkhoof: Akademie