Helpmekaar Seuns Tennis 2011

Die seuns-tennisspan van Helpmekaar het die afgelope paar jare groot opgang gemaak in die liga. Die eerste span speel tans in die 1 A-liga, en sou hulle dit wen, sal hulle opskuif na die premier-liga. Dit sal die eerste keer in Helpmekaar se geskiedenis as privaatskool wees, dat  hulle dit kon regkry.

Die eerste span bestaan huidiglik uit jonger spelers waaronder Danrick Kruger, wat tans die 13’e beste speler in sy ouderdomsgroep in die land is. Ander gereelde spelers vir die Wimbledon-span of A-span is Ulrich Kruger, Wihann Conradie, Ryno Vlok, Reinhardt Cromhout en Armand Wessels.

Die A- en B-span se wedstryde is Vrydagmiddae en die C- en D-spanne speel hul wedstyde op Maandagmiddae. Sien die bepalings vir termyn 3 hierby.

Die A- en B-span oefen ook Dinsdag middae by UJ se bane waar hul afrigting in veral die dubbelspel tegnieke ontvang.

Die seuns word aangemoedig om Woensdag en Donderdag middae op die skool se bane te oefen en mekaar uit te daag om hul posisie op die ranglys te verbeter.