MUURBAL BY HELPMEKAAR

Muurbal word vir die eerste keer in 2011 aangebied vir die leerlinge by Helpmekaar Kollege. Helpies het met groot energie en entoesiasme muurbal aangepak en het reeds uitstekende resultate getoon.
Muurbal is ‘n fantastiese manier om ‘n vinnige tog effektiewe oefening in te pas terwyl die spelers hulself kan geniet. Ons poog daarin om die kinders op ‘n holistiese manier te ontwikkel in verskeie afdelings van die fisiese liggaam, naamlik:
• kardiovaskulêre ontwikkeling
• spiergroepontwikkeling
• spieruithouvermoë
• krag en soepelheid

Tydens oefensessies gee dit die kinders ook die geleentheid om nuwe vriendskappe te vorm en om vir mekaar ondersteuning te gee soos net die Helpies kan.  Ons poog verder om onder mekaar ‘n squash-Helpie-way te kweek op die baan.

OEFENINGE

WEDSTRYDE

In die eerste termyn speel slegs die meisies ligawedstryde.

In die tweede termyn speel slegs die seuns ligawedstryde.

In die derde termyn neem ons deel aan ‘n vriendskaplike liga waarin beide dogter- en seunspanne betrokke is. Alle wedstryde word op Vrydagmiddag gespeel.

Alle nodige inligting sal weekliks aan ouers deurgegee word, sodat u vervoerreëlings kan tref om u kind na afloop van die wedstryd te kom haal. Elke Helpie-ouer word ook hartlik uitgenooi om u kind te kom ondersteun tydens wedstryde.

Indien Helpmekaar as gasheerskool sou optree, sal alle wedstryde by die Parkview Squash Centre plaasvind.

FIXTURES TERM 2